تاریخ: 9جولائی 2025
لاہور(پ ر)آج ممتاز صحافی، استاد اور دانشور پروفیسر وارث میر کی برسی ہے جو 9 جولائی 1987 کو صرف 48 برس کی عمر میں انتقال کر گئے تھے. وارث میر پنجاب یونیورسٹی میں شعبہ صحافت کے سربراہ بھی تھے۔ انہوں نے اپنے صحافتی کیریئر کے دوران پاکستان کے تمام بڑے اردو اخبارات کے لیے پرمغز مضامین تحریر کئے جنہیں ان کی وفات کے بعد کتابوں کی صورت میں شائع کیا گیا۔ ان کی مشہور کتابوں میں وارث میر کا فکری اثاثہ، حریت فکر کے مجاہد، فوج کی سیاست، کیا عورت آدھی ہے اور ضمیر کے اسیر شامل ہیں۔
